مابقتش استغرب أفعالى
مابقاش عندى ثبات انفعالى
وبقيت عصبى بدون اسباب
بخسر كل الناس حواليا
بدمر كل شئ فيا
مش عامل لحد حساب
ومش حاسس بأى ندم
لا متضايق ولا مخنوق
ولا عارف افوق...
قلبى اتردم بالمواجع
واتزانى راح مش راجع
أصبحت كتله من السلبيه
تافه و عديم المسئوليه
ماليش اهداف ولابخاف
من اى جاى ميت لابس
توب الحى وبتنفس
وصدرى بدوره رايح جاى
كائن حى لكن بالشكل مش
المضمون
مابقاش الكون يساع روحى
واكيد مافيش اكوان تانيه
اعيش فيها الحياه الدنيا
فابنيت من اشعارى كون
شفتوش جنون زى جنونى؟
حروف الشعر بقت كونى
محمود درويش ويا الخال
ويا جويده وعم نجم ويا امل
وكل مين جرحه اندمل
واصبح عال بفضل الشعر
بقى ف حياتى غالى السعر
عالى القيمه وحاجه عظيمه
أحجار كريمه ف تاج حياتى
وخارج هذا الكون الهايل
بعمل عمايل......
لاتصدر الا من مجنون
وهدوئى ابدا مش مضمون
ساعد في نشر والارتقاء بنا عبر مشاركة رأيك في الفيس بوك