(¯•.¸¸.•´¯صبـــــــــــاح الجرح _¸.••.¸_)

2012-11-06

 

 

 

 

 

 

 

 

صباح الجرح ماخلَّن جروحي في صباحي خير

ضحكت لدنيتي دايم تبكيني وأضحكها

 

أبد ماجا من جروحي على طول المدى تقصير

ولو بزعل من الفرقا عرفت إني مسببها

 

أنا مسئول عن جرح رماني في هذاك البير

وعن ظلما عبث مني أحاول فيه أبددها

 

أنا مسئول عن دمعي وضيمي وابتهاج الدير

إلى دق الجرس يعلن كفر أتقى مشايخها

 

أنا مسئول عن ما صار وعن باقي بعد بيصير

وعن جرح(ن) تبلاني وأكثر منه بنطرها

 

عجب ماضرني غيري وأنا مضري علي الغير

طعنت بطيبتي نفسي قبل سكين تطعنها

 

كذا يدمى على كتفي خطاي ولا لقى تخدير

كأن الناس قالت مر، قبل ماأروح أطببها

 

نعم قصة خفوق كان في حبه ثمل سكير

خطا خطوة وقع منها رغم قد إيش يحسبها

 

بكت حتى السما حتى نزل منها سحاب وطير

فلا وبل صدف حظي ولا رسالة أبرسلها

 

مغير لحفرتي مدفوع ماظني لشر مغير

وأنا لو تلفحه نسمه أسابقها وأوقعها

 

معاذ الله ماشافت عيوني من بعد ذا خير

ولا لي عين و لا نظرة و لا رغبة أدورها

 

مهوب لأجله ولكن الكسر يكبر على التجبير

ولو عافيتي أجبر نفس أنا ماودي أجبرها

 

أخاف القرب لامنه تخالط مع قصد تعسير

وإذن حنيتي تكسر أنا بروح وأكسرها

 

 

» بيانات الكتاب : عنوان الكتاب » :
مؤلف الكتاب » :
التاريخ» : 2012-11-06



أضف تعليق

الأسم*

البريد الإليكترونى*

الموقع الإليكترونى

التعليق*     «يمكنك اختيار تعليق جاهز بالضغط هنا»




تصميم وبرمجة المتحدة لخدمات الانترنت

جميع الحقوق محفوظة © لموقع لغة الروح