§¤*~`~*¤ الــــــــــــــــمعــــاق § *~`~*¤§|

2012-11-06

 

 

 

 

 

 

ياذا المعاق ايش بك من الهم بكيت

إنت النٍجي وباقي الناس غرقى

 

كانه على يدك ولا مره أعطيت

 

تبت يدا غيرك من الشح يشقى

 

وكانك تبي ممشى ولا له تقويت

 

عساك يوم الحشر بالخير ترقى

 

تعبت و إنت لشارد الحكي صغيت

 

سمعك من اللي يسمع الإثم أنقى

 

يمكن وحيد وبس ما انته تخليت

 

كان أبعدوا فالإنس بالله تلقى

يا المجتمع ياما على مثله أخطيت

 

وأجسادهم من حرة الجور عرقى

وبنظرةٍ فيها مهانه تماديت

 

وحقوقهم في بند أقوى وأبقى

 

حاصرتهم مابين حزن وتناهيت

 

عين الرجا من ضربة الرفض زرقا

 

لا ملجأٍ يغني بعد طردة البيت

 

ولاحضن من دفء الأحاسيس يُسقى

 

إن وفروا لعبه ولبس وبساكيت

 

ماعوضوا غيبة أبو وأم شفقى

 

وين العداله كم عليها تعزويت؟

 

قلت الحقيقة ميً والناس شرقى

 

إن كان ربي ينقذ الحي بالميت

مابالنا بإنسان له روح حذقى؟

 

مابالنا صرنا أوادم مناحيت

 

مثل الصنم ماله على الحس مرقى

 

اللي خلق أعضاء فيها تباهيت

 

قال  انتبه لاتجني أفعال حمقى

 

ياالمحترم بإنسان منصاب زليت

 

والمقترض بالمستوى عشت أرقى

 

عقلٍ صغيرٍ ولهوى النفس بديت

 

ودروب من حب الحقارات زلقى

 

المِعترض يسأل عشان ايش بك جيت

 

والمؤمن اللي بالملمات أتقى

 

يامبعد الرحمة وعنها تدانيت

 

الروح بمصارع قدر حيل غمقى

 

 

يارب ما هو عار لوك تبليت

 

العار لو ذقن الرضا عنك حلقى

 

 

» بيانات الكتاب : عنوان الكتاب » :
مؤلف الكتاب » :
التاريخ» : 2012-11-06



أضف تعليق

الأسم*

البريد الإليكترونى*

الموقع الإليكترونى

التعليق*     «يمكنك اختيار تعليق جاهز بالضغط هنا»




تصميم وبرمجة المتحدة لخدمات الانترنت

جميع الحقوق محفوظة © لموقع لغة الروح