«-.¸¸,.-~* مــــا صفـــــا لي شي ~-.,¸¸.-»

2012-11-06

 

 

 

 

 

يعني حتى لارسايل لا اتصال ولا إيميل

 

يعني احنا كم طمعنا في عطا قلب حنون

كيف وافهم قلب خلك قِد دعا حبك نزيل

ما ترك فرصة إساءه تقتنصها ذا الضنون

 

استحاله هجر قلبي يستحيل ويستحيل

 

وش أكون إن ما تركتك في ضيافة هالعيون

 

صاحبك ربًع غرامه في حدود المستطيل

يفعل الإبداع كي لا تدعي انك تهون

 

أتركك مع قلب صادق لا يخون ولا يميل

 

أتركك مع عقل يعقل مايسمونه جنون

 

أبسط الأشياء تلقى في مشاويرك خليل

بس الأصعب تثبت انه ما خطر له أن يخون

ماطراله من قيادة أمنياتك يستقيل

 

أو عرض له في خياله يطعمك سم المنون

 

صاحبي ماهي مصيبه لو ِتعذب بالسبيل

 

المصيبه لو طريقك من بداياته طعون

 

تدري إنك لو مشيته يمكن إنه أرض ويل

 

أو تخاف إنك تِهدَه ثم تحسف لو يكون

 

الضرير إن راد راحه ما تشَّرط بالدليل

 

الظلام اللي يخافه يدفعه يرضى بهون

 

قد يكون الكلب أوفى ممن اخترنا عديل

 

فاندفعنا في صداقة هالكلاب وهالظعون

 

والجميل اللي وصلنا مو على نية جميل

 

احتمال الاحتيال إن غرَّنا بالشي لون

 

والقرابه لو غلاها في دمانا ما يسيل

 

ماتركت العرق ينبض والقرايب يجرحون

الغريبه لو بشيل من المدامع وش بشيل؟

 

خدي اللي حرقنه ماطمت فيه الجفون

 

الاجابه والسؤال و هـ الليالي مو قليل

 

والعذاب اللي لحقته والولايف مذنبون

 

وش يِفَرح ياقريبي يوم أنا حالي هزيل

 

وش دواها هالشماته يااللئام الشامتون

 

حسبي الله ماصفالي في حياتي سلسبيل

من يكون اللي يطبب لي جراحي من يكون

 

 

» بيانات الكتاب : عنوان الكتاب » :
مؤلف الكتاب » :
التاريخ» : 2012-11-06



أضف تعليق

الأسم*

البريد الإليكترونى*

الموقع الإليكترونى

التعليق*     «يمكنك اختيار تعليق جاهز بالضغط هنا»




تصميم وبرمجة المتحدة لخدمات الانترنت

جميع الحقوق محفوظة © لموقع لغة الروح