«´¨`•..¤* جنـــــــون اشتيـــــــــاقي*¤.. •´¨`»

2012-11-06

 

 

 

 

 

 

 

يموت الورد ولحظات الغروب ومحسنين الناس

ويبقى ذا الوداع يلوع وجهي وجهه المشؤم

 

حسيب الله من شرَّع رياحين اللقا تنداس

ومن خلا حدود الشوف تسوى بالدقايق يوم ؟؟
 

طويل العمر يا فراقي تعيش  ولا ملكت إحساس

 

عليم الله من همك شباب ولا قدرت أقوم

 

يمر الشوق في بالي وأرحب به بنفح أنفاس

 

ضرت نفسي على طول السهر والأسئلة والصوم

 

تهادى وقتي المؤلم  وأحزاني  عليه أجراس

 

ملل هذا المكان اللي  ينادي ضيقتي واللوم

 

قطع حلم اللقا حظٍ شبيه باشتداد الفاس

 

ليالي لو صفت مره تخبِّي فِعلها المسموم

 

وش اللي يستر اللهفة وأقول لرغبتي لا باس

 

عرت هذي العيون اللي تحب ولا لقن هدوم

 

عمت عين الحسود اللي حسدني وانكسر بي كاس

 

براويزي سواد أحلك وصورتها جفا وهموم

 

يكفيكم من همومي قلم يبكي على قرطاس

 

أمانه من عرف منكم عيونن يكرهن النوم ؟؟

 

ثمن عمر البني ادم يفوق بقدره الألماس

 

أجل قدر الغلا اش هو إذا يسوى جميع القوم

 

خذيت من الشعر راحه و عديت الصمت مجلاس

 

وصوتي لو وصل  حرفي أحس من التعب مكتوم

 

أحاسيسي علت ما ضرها لو بوحها ينداس

نهر حب إن يشح الغيث يجري بي مسيله دوم

 

أنا ناس إن تخلوا عن حنيني في مسيري ناس

أنا دنيا إلى صاروا عناد وابتعاد وشوم

 

أنا تحفه وله ما جابت الدنيا لها أجناس

 

حقيقه من فقد ماسه شعوري يعتبر محروم

 

يضايقني من الدنيا بشر تحيا بلا نبراس

 

أعدي بالطريق اللي يعاكسهم وأنا مصدوم

 

 

» بيانات الكتاب : عنوان الكتاب » :
مؤلف الكتاب » :
التاريخ» : 2012-11-06



أضف تعليق

الأسم*

البريد الإليكترونى*

الموقع الإليكترونى

التعليق*     «يمكنك اختيار تعليق جاهز بالضغط هنا»




تصميم وبرمجة المتحدة لخدمات الانترنت

جميع الحقوق محفوظة © لموقع لغة الروح