.¸¸۝❝انتظـــــــــار❝۝¸¸.

2011-12-23

 

 

 

 

 

.¸¸۝❝انتظـــــــــار❝۝¸¸. 

 

ما بســـألك قد إيش ملــــيت بغيابي واكتويت

ولا بسألك من ونسّك في ظلمة الليل الطويل

ولاهمني كيف السوالف في نظر عينك تبيت

أو من هذاك اللي مسح دمع ٍعلى خدك يسيل

عش ماتبي كنك عن وعود المحبه مادريت !

قل ما تبي ما انته بقــــايل شيء إلا قبل قيل !

ويل الغلاصبيت نارك ماترويت وهديت

ماشب ضوك؟ ليت لوك ماكسرت الحيل حيل

حس بضميرك كم حبيبٍ ماقوى حتى المبيت

خلّك أمين و لا تــــغاضـــى عن معــاناة البخيل

اجبر حنينك لو سكت ينطق ولو بالحب بيت

علّم غرورك لو تــمادى ما يــــــــدوم إلا الجــليل

اجمع مطر قد السحاب اللي على بابك رميت

شوف إن قدرت ترد لي كاسه من الحب الأصيل

ازرع زهر قد الجحود اللي من اسبابه ضميت

اصــــــنع نهر  يارد  له القــــــلب المعنّى والهزيل

كثر البـــــــكا ما لامـــني لأني على دمعي غفيت

وأعـــــتّم الصُبح البريء وأدفــــنه في بـــير ليل !

نعم تخــــيلتك أمــــل نحـــــــتاج له في كل بيت

نعم تخـيـــلتك هـــوى يشــــفي وصـــوبني عليل

هاذاك يمدح لي فضل وإنسان يشكر لي سعيت

الآم من يعطــــــي كثـــــير ويفزع لجرحه قليل !

أقدر أقول إني من جروحي ومن ضعف استويت

وإني بقايا مِعْشِـــَـبه واجـــــتاحها بالبرد سيل

وإني صبرت ولاضفرت وماحرمت ولاخذيت

أتعبت حلمي بالرجــــاوي ياحرام إنه يشيل !

البارحـــــه كذبه لو إني أحكي لشيء احتريت

البارحــــه مافـــي انتظار ولاكـــلام ولاخليـــل

 
 

 

» بيانات الكتاب : عنوان الكتاب » :
مؤلف الكتاب » :
التاريخ» : 2011-12-23



أضف تعليق

الأسم*

البريد الإليكترونى*

الموقع الإليكترونى

التعليق*     «يمكنك اختيار تعليق جاهز بالضغط هنا»




تصميم وبرمجة المتحدة لخدمات الانترنت

جميع الحقوق محفوظة © لموقع لغة الروح